02/12/2011

ਪੱਤਰਕਾਰ ਲੋਕਾਂ ਦੇ ਬੈਡਰੂਮ ਜਾਂ ਰਸੋਈ ਤੱਕ ਨਾ ਪਹੁੰਚੇ, ਪ੍ਰੈੱਸ ਕਲੱਬ ਨੇ ਤਿਆਰ ਕੀਤੀ ਪੰਜਾਬੀ ਦੀ ਡਿਜੀਟਲ ਡਿਕਸ਼ਨਰੀ, ਪੰਜਾਬੀ ਪ੍ਰੈੱਸ ਕਲੱਬ ਦੀ ਹੋਂਦ ਨੇ ਪੰਜਾਬੀ ਪੱਤਰਕਾਰੀ 'ਚ ਨਿਖਾਰ ਲਿਆਂਦਾ ਹੈ
ਵਿਸ਼ੇਸ਼ ਰਿਪੋਰਟ

ਪੰਜਾਬੀ ਪ੍ਰੈੱਸ ਕਲੱਬ ਦੀ 10ਵੀਂ ਸਲਾਨਾ ਕਾਨਫਰੰਸ ਬੜੇ ਗੰਭੀਰ ਵਿਚਾਰ ਵਟਾਂਦਰੇ ਨਾਲ ਸੰਪੰਨ ਹੋ ਗਈ ਹੈ। 30 ਦੇ ਕਰੀਬ ਮੈਂਬਰਾਂ ਦੀ ਹਾਜ਼ਰੀ ਵਿੱਚ ਹੋਈ ਇਸ ਕਾਨਫਰੰਸ ਵਿੱਚ ਸੁਖਮਿੰਦਰ ਸਿੰਘ ਹੰਸਰਾ ਨੂੰ ਸੰਨ 2012 ਦੇ ਕੋਆਰਡੀਨੇਟਰ, ਜਗਦੇਵ ਸਿੰਘ ਤੂਰ ਨੂੰ ਸਹਿ ਕੋਆਰਡੀਨੇਟਰ, ਬੌਬ ਦੁਸਾਂਝ ਨੂੰ ਖਜਾਨਚੀ, ਮਨੋਹਰ ਸਿੰਘ ਬੱਲ ਨੂੰ ਸਹਿ ਖਜਾਨਚੀ ਅਤੇ ਕੁਲਜੀਤ ਸਿੰਘ ਜੰਜੂਆ ਨੂੰ ਵੈਬਮਾਸਟਰ ਨਿਯੁਕਤ ਕੀਤਾ ਗਿਆ ਹੈ। ਸਰਬਸੰਮਤੀ ਨਾਲ ਹੋਈਆਂ ਇਨ੍ਹਾਂ ਨਿਯੁਕਤੀਆਂ ਤੋਂ ਬਾਅਦ ਸੁਖਮਿੰਦਰ ਸਿੰਘ ਹੰਸਰਾ ਨੇ ਦੱਸਿਆ ਕਿ ਇਸ ਕਾਨਫਰੰਸ ਦੌਰਾਨ ਇੱਕ ਸਟੋਰ ਵਾਲੇ ਵਪਾਰੀ ਵਲੋਂ ਮੀਡੀਆਕਾਰਾਂ ਦੇ ਐਡਾਂ ਦੇ ਪੈਸੇ ਨਾ ਦੇਣ ਅਤੇ ਇੱਕ ਮੀਡੀਆਕਾਰ ਨਾਲ ਬਦਸਲੂਕੀ ਕਰਨ ਦੇ ਪ੍ਰਸਤਾਵ ਨੂੰ ਪਹਿਲ ਦੇ ਆਧਾਰ ਤੇ ਨਜਿੱਠਿਆ ਜਾਵੇਗਾ। ਉਨ੍ਹਾਂ ਕਿਹਾ ਕਿ ਲੈਣ ਦੇਣ ਦਾ ਬਖਾਧ ਹੋ ਸਕਦਾ ਹੈ, ਪਰ ਬਦਸਲੂਕੀ ਨੂੰ ਹਰਗਿਜ਼ ਬਰਦਾਸ਼ਤ ਨਹੀਂ ਕੀਤਾ ਜਾ ਸਕਦਾ। ਸ੍ਰ. ਹੰਸਰਾ ਨੇ ਕਿਹਾ ਕਿ ਜਿਉਂ ਹੀ ਵੀਰਵਾਰ ਨੂੰ ਉਨ੍ਹਾਂ ਨੂੰ ਇਹ ਸੇਵਾ ਸਪੁਰਦਗੀ ਕੀਤੀ ਜਾਂਦੀ ਹੈ, ਉਹ ਪਹਿਲ ਦੇ ਆਧਾਰ ਤੇ ਉਕਤ ਵਪਾਰੀ ਨਾਲ ਮਸਲਾ ਨਜਿੱਠਣਗੇ। ਪੂਰੀ ਖ਼ਬਰ ਪੜ੍ਹਨ ਲਈ ਇਥੇ ਕਲਿਕ ਕਰੋ

ਚੰਨ ਜੰਡਿਆਲਵੀ ਦਾ '2011 ਦਾ ਲੋਕ ਗੀਤ ਲੇਖਕ'' ਨਾਲ ਸਨਮਾਨ

ਤਸਵੀਰ: ਚੰਨ ਜੰਡਿਆਲਵੀ ਦਾ ਸਨਾਮਨ ਕਰਦੇ ਹੋਏ ਡਾ. ਰਤਨ ਰੀਹਲ ਅਤੇ ਹੋਰ ਤਸਵੀਰ: ਮਨਪ੍ਰੀਤ ਸਿੰਘ ਬੱਧਨੀ ਕਲਾਂ

ਲੰਡਨ (ਮਨਪ੍ਰੀਤ ਸਿੰਘ ਬੱਧਨੀ ਕਲਾਂ) : ਵੁਲਵਰਹੈਂਪਟਨ ਵਿਖੇ ਕਾਂਗਰਸ ਹਮਾਇਤੀਆਂ ਵੱਲੋਂ ਕਰਵਾਏ ਪੰਜਾਬ ਅਤੇ ਪੰਜਾਬੀ ਚਿੰਤਨ ਸਮਾਗਮ ਦੌਰਾਨ ਗੀਤਾਂ ਦੇ ਬਾਦਸ਼ਾਹ ਚੰਨ ਜੰਡਿਆਲਵੀ ਨੂੰ '2011 ਦਾ ਲੋਕ ਗੀਤ ਲੇਖਕ'' ਦਾ ਸਨਮਾਨ ਦਿੱਤਾ ਗਿਆ। ਇਸ ਸਮਾਗਮ ਨੂੰ ਸੰਬੋਧਨ ਕਰਦੇ ਹੋਏ ਡਾ. ਰਤਨ ਰੀਹਲ ਨੇ ਆਏ ਮਹਿਾਮਾਨਾਂ ਨੂੰ ਗੁਰਪੁਰਬ ਦੀ ਵਧਾਈ ਦਿੱਤੀ ਅਤੇ ਪੰਜਾਬ ਦੀ ਅਜੋਕੀ ਸਿਆਸੀ ਸਥਿਤੀ ਬਾਰੇ ਵਿਚਾਰਾਂ ਕੀਤੀਆਂ। ਇਸ ਮੌਕੇ ਸ: ਲੱਖਾ ਸਿੰਘ, ਕਰਿਸ਼ਨ ਕੁਮਾਰ ਚੌਹਾਨ, ਜਗੀਰ ਸਿੰਘ ਦੁਦਰਾ, ਮਨਜੀਤ ਸਿੰਘ ਕਮਲਾ, ਬਖਸ਼ੀਸ਼ ਸਿੰਘ ਜਮਲਾ, ਕਮਲਜੀਤ ਸਿੰਘ ਬੈਂਸ, ਸੁਖਦੇਵ ਸਿੰਘ, ਸੋਹਣ ਸਿੰਘ ਸੋਨੀ, ਸ: ਲੱਖਾ ਸਿੰਘ, ਚਮਨ ਸਿੰਘ ਕੈਂਥ, ਡਾ: ਮਨਜੀਤ ਸਿੰਘ ਕੈਂਥ, ਮਹਿੰਦਰ ਸਿੰਘ ਧਾਲੀਵਾਲ, ਅਮਰਜੀਤ ਸਿੰਘ ਧਾਲੀਵਾਲ,,, ਕਰਮ ਸਿੰਘ ਪੁਰਬਾ, ਦੌਲਤ ਰਾਮ, ਗਿਆਨ ਚੰਦ ਬਿਕਟਰ, ਸੁਰਿੰਦਰ ਕੁਮਾਰ, ਪ੍ਰੇਮ ਕੁਮਾਰ, ਸੇਵਾ ਸਿੰਘ, ਲੱਕੀ ਰਾਮ ਪਾਲ, ਅਜੀਤ ਸਿੰਘ ਮੇਹਟ ਸਰਪੰਚ ਅਤੇ ਠਾਕਰ ਪਟੇਲ ਆਦਿ ਹਾਜ਼ਿਰ ਸਨ। ਪੂਰੀ ਖ਼ਬਰ ਪੜ੍ਹਨ ਲਈ ਇਥੇ ਕਲਿਕ ਕਰੋ

ਸੰਸਾਰ ਜੰਗ ਦੇ ਸ਼ਹੀਦਾਂ ਨੂੰ ਯੂ ਕੇ ਭਰ ਵਿੱਚ ਸ਼ਰਧਾਂਜ਼ਲੀ

੧) ਸ਼ਹੀਦਾਂ ਨੂੰ ਸ਼ਰਧਾ ਦੇ ਫੁੱਲ ਭੇਂਟ ਕਰਨ ਸਮੇਂ ਮਹਾਰਾਣੀ ਐਲਜ਼ਿਬੈਥ

ਲੰਡਨ (ਮਨਪ੍ਰੀਤ ਸਿੰਘ ਬੱਧਨੀ ਕਲਾਂ) ਪਹਿਲੀ ਸੰਸਾਰ ਜੰਗ ਦੇ ਸ਼ਹੀਦਾਂ ਨੂੰ ਸ਼ਰਧਾਂਜ਼ਲੀ ਭੇਂਟ ਕਰਨ ਲਈ ਯੂ ਕੇ ਦੇ ਵੱਖ ਵੱਖ ਸ਼ਹਿਰਾਂ ਵਿੱਚ ਸਮਾਗਮ ਕਰਵਾਏ ਗਏ ਅਤੇ ਸ਼ਹੀਦਾਂ ਨੁੰ ਸ਼ਰਧਾ ਦੇ ਫੁੱਲ ਭੇਂਟ ਕੀਤੇ ਗਏ। ਇੰਗਲੈਂਡ ਦੀ ਮਹਾਰਾਣੀ ਐਲਜ਼ਿਬੈਥ, ਪ੍ਰਧਾਨ ਮੰਤਰੀ ਡੇਵਿਡ ਕੈਮਰੂਨ, ਵਿਰੋਧੀ ਧਿਰ ਦੇ ਨੇਤਾਵਾਂ ਤੋਂ ਇਲਾਵਾ ਸ਼ਾਹੀ ਘਰਾਣੇ ਦੀ ਨੂੰਹ ਕੇਟ ਨੇ ਪਹਿਲੀ ਵਾਰ ਸ਼ਾਹੀ ਪ੍ਰੀਵਾਰ ਨਾਲ ਇਸ ਰਸਮ ਨੂੰ ਅਦਾ ਕੀਤਾ।  ਪੂਰੀ ਖ਼ਬਰ ਪੜ੍ਹਨ ਲਈ ਇਥੇ ਕਲਿਕ ਕਰੋ

ਹੰਸਲੋ ਦੇ ਐਮ ਪੀ ਐਲਨ ਕੀਨ ਦਾ ਦਿਹਾਂਤ

ਲੰਡਨ (ਮਨਪ੍ਰੀਤ ਸਿੰਘ ਬੱਧਨੀ ਕਲਾਂ) ਹੰਸਲੋ ਬਾਰੋ ਦੇ ਹਿਸਟਨ ਅਤੇ ਫਿਲਥਮ ਹਲਕੇ ਦੇ ਲੇਬਰ ਪਾਰਲੀਮੈਂਟ ਮੈਂਬਰ ਐਲਨ ਕੀਨ ਦਾ ਦਿਹਾਂਤ ਹੋ ਗਿਆ ਹੈ, ਉਹ 73 ਵਰ੍ਹਿਆਂ ਦੇ ਸਨ ਅਤੇ ਲੰਬੇਂ ਸਮੇਂ ਤੋਂ ਕੈਂਸਰ ਦੀ ਬਿਮਾਰੀ ਨਾਲ ਪੀੜਤ ਸਨ। ਉਹ 1992 ਤੋਂ ਲਗਾਤਾਰ ਇਸ ਹਲਕੇ ਤੋਂ ਬਤੌਰ ਐਮ ਪੀ ਚੱਲੇ ਆ ਰਹੇ ਸਨ। ਜਦ ਕਿ ਉਹਨਾਂ ਦੀ ਪਤਨੀ ਵੀ 1997 ਤੋਂ ਬਰੈਂਟਫੋਰਡ ਅਤੇ ਆਈਜ਼ਲਵਰਥ ਹਲਕੇ ਤੋਂ ਪਾਰਲੀਮੈਂਟ ਮੈਂਬਰ ਸਨ ਲੇਕਨ ਉਹ ਪਿਛਲੀਆ ਚੋਣਾਂ ਹਾਰ ਗਈ ਸੀ।

ਸੰਤ ਬਾਬਾ ਸੁਰਜੀਤ ਸਿੰਘ ਘਨੌਰ ਕੇ ਵਾਲੇ ਇੰਗਲੈਂਡ ਵਿੱਚ

ਤਸਵੀਰ: ਸੰਤ ਬਾਬਾ ਸੁਰਜੀਤ ਸਿੰਘ ਘਨੌਰਕੇ ਵਾਲੇ ਕਥਾ ਕਰਦੇ ਹੋਏ

ਲੰਡਨ (ਮਨਪ੍ਰੀਤ ਸਿੰਘ ਬੱਧਨੀ ਕਲਾਂ) ਸੰਤ ਬਾਬਾ ਸੁਰਜੀਤ ਸਿੰਘ ਘਨੌਰ ਕੇ ਸਿੱਖੀ ਪ੍ਰਚਾਰ ਲਈ ਅੱਜਕੱਲ ਇੰਗਲੈਂਡ ਦੌਰੇ ਤੇ ਆਏ ਹੋਏ ਹਨ। ਜਿਸ ਦੌਰਾਨ ਉਹ ਇੰਗਲੈਂਡ ਦੇ ਵੱਖ ਵੱਖ ਸ਼ਹਿਰਾਂ ਵਿੱਚ ਜਾ ਕੇ ਗੁਰਬਾਣੀ ਕਥਾ ਰਾਹੀਂ ਸੰਗਤਾਂ ਨੁੰ ਨਿਹਾਲ ਕਰਨਗੇ। ਹੇਜ਼ ਵਿਖੇ ਕਰਵਾਏ ਸਮਾਗਮ ਦੌਰਾਨ ਬਾਬਾ ਜੀ ਨੇ ਕਿਹਾ ਕਿ ਮਨੁੱਖ ਨੂੰ ਸ਼ਬਦ ਗੁਰੂ ਦੇ ਲੜ ਲੱਗਣਾ ਚਾਹੀਦਾ ਹੈ ਅਤੇ ਪਾਖੰਡੀਆਂ ਤੋਂ ਬਚਣਾ ਚਾਹੀਦਾ ਹੈ। ਉਹਨਾਂ ਨੇ ਸਿੱਖ ਸੰਗਤਾਂ ਨੁੰ ਕਿਹਾ ਕਿ ਮਨ ਦੀ ਸ਼ਾਂਤੀ ਲਈ ਸਿਮਰਨ ਕਰਨਾ ਬਹੁਤ ਜਰੂਰੀ ਹੈ।

ਜੀ ਐਨ ਡੇਅਰੀ ਨੇ ਜੌਹਲ ਡੇਅਰੀ ਖਿਲਾਫ 12 ਲੱਖ 72 ਹਜ਼ਾਰ ਪੌਂਡ ਦੇ ਖ਼ਰਚੇ ਦਾ ਕੇਸ ਜਿੱਤਿਆ, ਯੂ ਕੇ 'ਚ ਪੰਜਾਬੀ ਡੇਅਰੀ ਦਾ ਹੁਣ ਤੱਕ ਦਾ ਸਭ ਤੋਂ ਮਹਿੰਗਾ ਮੁਕੱਦਮਾਂ ਸਾਬਤ ਹੋਇਆ

ਲੰਡਨ (ਮਨਪ੍ਰੀਤ ਸਿੰਘ ਬੱਧਨੀ ਕਲਾਂ) ਜੇ ਐਨ ਡੇਅਰੀ ਅਤੇ ਜੌਹਲ ਡੇਅਰੀ ਦਰਮਿਆਨ ਪਿਛਲੇ ਤਿੰਨ ਸਾਲਾਂ ਤੋਂ ਚੱਲ ਰਿਹਾ ਕੇਸ ਜੇ ਐਨ ਡੇਅਰੀ ਨੇ ਜਿੱਤ ਲਿਆ ਹੈ। ਜਿਸ ਵਿੱਚ ਜੇ ਐਨ ਡੇਅਰੀ ਦੇ ਤਿੰਨ ਸਾਲਾਂ ਵਿੱਚ ਕੋਰਟ ਕੇਸ ਉੱਤੇ ਹੋਏ ਕਾਨੂੰਨੀ ਖ਼ਰਚੇ ਦੀ 12 ਲੱਖ 72 ਹਜ਼ਾਰ ਪੌਂਡ ਰਕਮ ਵੀ ਸ਼ਾਮਿਲ ਹੈ। ਮਿਡਲੈਂਡ ਦੀਆਂ ਇਹ ਮਸ਼ਹੂਰ ਡੇਅਰੀਆਂ ਦੁਕਾਨਾਂ ਅਤੇ ਛੋਟੇ ਟਰੇਡਰਾਂ ਨੁੰ ਦੁੱਧ ਸਪਲਾਈ ਕਰਦੀਆਂ ਹਨ। ਵਰ੍ਹੇ 2008 ਵਿੱਚ ਗੁਰਬੀਰ ਸਿੰਘ ਨਾਮੀ ਇੱਕ ਵਿਅਕਤੀ ਨੇ ਜੇ ਐਨ ਡੇਅਰੀ ਦੇ ਕਾਗਜ਼ਾਤ ਜਿਹਨਾਂ ਵਿੱਚ ਗਾਹਕਾਂ ਦੀਆਂ ਲਿਸਟਾਂ ਵੀ ਸ਼ਾਮਿਲ ਸਨ ਚੋਰੀ ਕਰਕੇ ਜੌਹਲ ਡੇਅਰੀ ਨੁੰ ਦੇ ਦਿੱਤੀਆਂ। ਅਦਾਲਤੀ ਕੇਸ ਸ਼ੁਰੂ ਹੋਣ ਤੋਂ ਪਹਿਲਾਂ ਗੁਰਬੀਰ ਸਿੰਘ ਨੂੰ ਵਾਪਿਸ ਭਾਰਤ ਭੇਜ ਦਿੱਤਾ ਗਿਆ।